Kullaha laaha “tûgi” šiĩ ndunaki ladi togo-ã sama beniã du landiri. tiiga-ã anna Tudaga yê Dazaga yê nûkundiã lau dahudo, adaga hundã yê ŋgoska yê hundã anna-ã kudosuri, zogo gubia horkusu ndurã čuro kohuduru ni araŋgada-ã ha ni du mûkurîe orro di tadar. Adaga šiša-ã muro du hurostindîe yiŋgal
tûgi” du mêde hûide dunoda wora landiri nogoa-ã na tûgi-ĩ na koã ôwonni zaga haga-ã ndûrtu hundã yê tira zag tuhukudiã yê. Yuna nû togusudî čîkã dahu makuru ni zaga zogo ndurã yibendiriĩ ndî. Arbidi-ĩ yê wêtige ndûdudi-ĩ yê yuna dahu numa du tauwã anna-ã ha hana-kohîe borsu gunú ni dahu ndôŋusi-ĩ yê kubia kedi-ĩ yê dubala hundã dunoda-ã turo ndirî tîyo. Wura ŋgo-ã yê kandama zogo-ã yê kôi tûrizeyindi
Horkusu ndurã “ tûgi” du aŋgala-ã četiri, ôwonni dahu-mêde mêda . yunu barandiriĩ anna šîge Lidiã hanada benia nduhuka toga-ã yogusîe yiŋgal. Yûrdu êriski abagadi lukuriĩ du sootu. hanada êske yada čeduo. “ tûgi” hi šiĩ nakî njîkiĩ wuše wuše tadum. Horkusu beni kohudirî tîyikã togo ndurã nû du gali kohudirîe
